மேம்பட்ட கிறிஸ்தவ பயிற்சி

(ACT – Advanced Christian Training)

ஆசிரியர்: ஓ. ஜே. கிப்சன்

O.J. Gibson

ACT யில் இருந்து அதிகபட்சப் பலனைப் பெறுவது எப்படி

தனிப்பட்ட தயாரிப்பு மற்றும் வகுப்பு பங்கேற்பிற்கான பின்வரும் வழிகாட்டுதல்களை நீங்கள் பின்பற்றினால், உங்கள் மேம்பட்ட கிறிஸ்தவப் பயிற்சிப் படிப்பு மிகவும் பயனுள்ளதாக இருக்கும்.

வகுப்புக்கு முன் தனிப்பட்ட தயாரிப்பு

உங்கள் வீட்டுப்பாடத்தை முடிப்பதற்காக ஒவ்வொரு வாரமும் போதுமான நேரத்தை ஒதுக்குங்கள். ஒவ்வொரு பாடத்திற்கும் பின்வரும் படிகளை நீங்கள் எடுக்க வேண்டும்.

1. தேவனிடம் ஜெபியுங்கள். அவருடைய வார்த்தையைப் புரிந்துகொள்ளவும் பயன்படுத்தவும் அவர் உங்களுக்கு உதவ கேளுங்கள். உங்கள் ஜெபம் இப்படி இருக்கட்டும்: “உமது வேதத்தில் உள்ள அதிசயங்களை நான் காணும்படி என் கண்களைத் திறந்தருளும்” (சங்.119:18).
2. படிப்பு வழிகாட்டி கேள்விகளுக்கு பதிலளிக்கவும். குறிப்புகளைப் படிப்பதற்கு முன், படிப்பு வழிகாட்டியின் அனைத்து பகுதிகளையும் முடிக்கவும். ஒரு கேள்வியில் உங்களுக்கு சிரமம் ஏற்பட்டால்> அடுத்த கேள்விக்குச் சென்று, பின்னர் கடினமான கேள்விக்குத் திரும்பி வாருங்கள்.
3. குறிப்புகளைப் படியுங்கள். முக்கியமான கருத்துக்களை அடிக்கோடிட்டு, உங்களுக்குப் புரியாத அல்லது கேள்விகள் உள்ள எதையும் குறியுங்கள். முக்கியமான வேத வசனக் குறிப்புகளைத் தேடி, புதிய அமெரிக்கன் ஸ்டாண்டர்ட் பைபிள் போன்ற ஒரு நவீன மொழிபெயர்ப்பிலிருந்து அவற்றைப் படியுங்கள்.
4. தனிப்பட்ட சுவிசேஷ வசனங்களை மனப்பாடம் செய்யுங்கள். “இடைநிலை கிறிஸ்தவப் பயிற்சி” யின் பிற்சேர்க்கை யில் பரிந்துரைக்கப்பட்ட மனப்பாட நுட்பங்களைப் பயன்படுத்துங்கள். வாரத்தின் ஆரம்பத்திலேயே புதிய மனப்பாட வசனங்களைக் கற்றுக்கொள்ளத் தொடங்குங்கள். வார இறுதியில், அனைத்து மனப்பாட வசனங்களையும் வார்த்தைக்கு வார்த்தை சரியாகச் சொல்கிறீர்களா என்று உங்களைச் சோதித்துப் பாருங்கள்.
5. பயிற்சி வகுப்புத் தேவைகள்தேவைகள் இல்லாமலோ அல்லது கற்றல் அல்லது பங்கேற்பின் செயல்திறனை அளவிடும் வழி இல்லாமலோ உண்மையான பயிற்சி இருக்க முடியாது. உண்மையில், தரநிலைகள் இல்லாத பயிற்சி என்பது விதிகள் இல்லாத விளையாட்டைப் போன்றது. பின்வரும் தரநிலைகள் கடைப்பிடிக்கப்பட்டால்> ACT வகுப்பின் பயிற்சி பயனுள்ளதாகவும் அர்த்தமுள்ளதாகவும் இருக்கும்.
   1. வருகை. பாடங்கள் படிப்படியாக முன்னேறுபவை மற்றும் ஒன்றன்மீதொன்று சேர்ந்துள்ளது. எனவே பயிற்சியிலிருந்து அதிகபட்சப் பலனைப் பெற முழு 13 அமர்வுகளிலும் கலந்துகொள்ளத் திட்டமிடுங்கள். அதிகப்படியான வருகையின்மை (மூன்று அல்லது அதற்கு மேற்பட்டவை) அடுத்த பயிற்சி வகுப்பிற்கு உங்களைப் போதுமான தயாரிப்பின்றி விட்டுவிடும். உங்களால் முடிந்த போதெல்லாம், உங்கள் வருகையின்மை குறித்து உங்கள் தலைவருக்கு முன்கூட்டியே தெரியப்படுத்துங்கள்.
   2. வீட்டுப்பாடம். ஒவ்வொரு வாரமும் உங்கள் வீட்டுப்பாடத்தை உங்கள் குழுத் தலைவரிடம் சமர்ப்பிக்கவும். வராத நாட்களுக்கான வீட்டுப்பாடம், வராததற்குப் பின்வரும் முதல் கூட்டத்தில் சமர்ப்பிக்கப்பட வேண்டும். ACT ஐ வெற்றிகரமாக முடிக்க, விடுபட்ட அனைத்து வீட்டுப்பாடங்களும் இறுதிப் பாடத்திற்கு முன்பே செய்து முடிக்கப்பட வேண்டும்.
   3. நேரந்தவறாமை. தாமதமாக வருவது மற்றவர்களின் நேரத்தின் மதிப்பை அவமதிப்பதாகக் காட்டுகிறது. கூட்டங்களுக்கு சரியான நேரத்தில் வருவது அமர்வுகள் சரியான நேரத்தில் தொடங்கவும் முடிக்கவும் உதவியளிக்கும்.
   4. மனப்பாடப் பகுதி. ICT யில் நீங்கள் தொடங்கிய தனிப்பட்ட சுவிசேஷத் தொகுப்பிலிருந்து (Personal Evangelism Packet – PEP) வாரத்திற்கு ஒரு புதிய வசனத்தை நீங்கள் மனப்பாடம் செய்ய வேண்டும். ACT ஐ வெற்றிகரமாக முடிக்க அனைத்து (PEP) வசனங்களும் வார்த்தைக்கு வார்த்தை சரியாகச் சொல்லப்பட வேண்டும்.
   5. சுவிசேஷப் பயிற்சி. 13 வார சுழற்சியின் போது இரண்டு சுவிசேஷப் பயணங்களில் (அல்லது அதற்கு சமமானவற்றில்) நீங்கள் கலந்துகொள்ள வேண்டும். தனிப்பட்ட சூழ்நிலைகள் திட்டமிடப்பட்ட பயணங்களில் கலந்துகொள்வதைத் தடுத்தால்> இந்தத் தேவையை நிறைவேற்றுவதற்கான மாற்று வழியைக் கோருவது உங்கள் பொறுப்பு.
   6. மதிப்பீடு மற்றும் பயிற்சியை நிறைவு செய்தல். உங்கள் முன்னேற்றம் குழுத் தலைவர்(கள்) மூலம் மதிப்பிடப்படும். இருப்பினும், இதற்கு அப்பால், நீங்கள் “AUG” பட்டத்தை – தேவனால் அங்கீகரிக்கப்பட்டவர் (Approved Unto God) பெற முயல வேண்டும். பயிற்சி உங்களை தேவனுக்கு முன்பாக அதிக பொறுப்புள்ளவர்களாக்குகிறது என்பதை நினைவில் கொள்ளுங்கள். எவனிடத்தில் அதிகங் கொடுக்கப்படுகிறதோ அவனிடத்தில் அதிகங் கேட்கப்படும். (லூக்கா 12:48). பயிற்சியின் இறுதிச் சோதனை என்பது தேவனுடைய சத்தியத்தை தனிப்பட்ட முறையில் பயன்படுத்துவதே ஆகும். வார்த்தையாகிய “கண்ணாடியில்” பார்த்த பிறகு நீங்கள் எந்த மாற்றங்களையும் செய்யவில்லை என்றால்> பயிற்சி தோல்வியடைந்துள்ளது (யாக்கோபு 1).
   7. நிறைவுப் பதிவு. நிறைவுப் பதிவு. முழுமையாகப் பூர்த்தி செய்யப்பட்டு குழுத் தலைவரால் கையொப்பமிடப்பட்டவுடன், அதுவே உங்கள் பட்டமளிப்புப் பதிவாகும். உங்கள் தலைவரின் பரிந்துரையின் பேரில், நீங்கள் சீஷத்துவப் பயிற்சி அமர்வில் (DTS) சேர தகுதி பெறுவீர்கள்.

பொருளடக்கம் (TABLE OF CONTENTS)

பாடம் 1: வேதாகமத்தை ஆராயுங்கள்
தேவனுடைய வார்த்தையை திறம்பட படிப்பதற்கான படிகள்

பாடம் 2: வார்த்தையைப் புரிந்துகொள்ளுதல்
வேதாகமப் படிப்பிற்கான கூடுதல் கொள்கைகள்

பாடம் 3: பரிபூரண ஜீவன்
ஜெயங்கொண்ட கிறிஸ்தவ வாழ்விற்கான தேவனுடைய வாக்குத்தத்தமும் ஏற்பாடும்; ஆவிக்குரிய வாழ்விற்கான தடைகள்

பாடம் 4: கிறிஸ்துவுடன் சிலுவையில் அறையப்படுதல்
பரிசுத்தமான மற்றும் ஜெயங்கொண்ட வாழ்விற்கான பாதை

பாடம் 5: விசுவாசியின் வாழ்வில் சிலுவை
சுய வாழ்வின் பிரச்சனை, கிறிஸ்து கட்டுப்பாட்டில் உள்ள வாழ்விற்கான வழி

பாடம் 6: விசுவாசியில் கிறிஸ்துவின் குணம்
அவருடைய சாயலில் வளருவது எப்படி

பாடம் 7: சோதனைகளும் பாடுகளும்
தேவனுடைய கண்ணோட்டத்தில் விசுவாசியின் கஷ்டங்கள்

பாடம் 8: மனக்குறைகளும் கசப்புணர்வும்                                                                                                           
குற்றங்களுக்கு சரியாக பதிலளித்தல், உடைந்த உறவுகளை சரிசெய்தல்

பாடம் 9: ஆராதனை
ஆராதனையின் பொருள், தேவைகள் மற்றும் பயிற்சி

பாடம் 10: சுவிசேஷத்தை அறிவித்தல்   
மற்றவர்களுக்கு இரட்சிப்பின் வழியைக் காட்டுதல்

பாடம் 11: நற்செய்திக்கான ஆட்சேபனைகளை மேற்கொள்தல்
பொதுவான கேள்விகளையும் விசுவாசத் தடைகளையும் கையாளுவது எப்படி

பாடம் 12: வேறொரு சுவிசேஷம், வேறொரு இயேசு
தவறான மதத்தினால் பாதிக்கப்பட்டவர்களுக்கு உதவுதல்

பாடம் 13: சர்வதேச ஊழியங்கள்
தேசங்களைச் சென்றடைவதற்கான ஒரு தரிசனத்தை வளர்த்தல்