தினம் என்னை தேடி அலைந்தாரன்றோ
திருப்பாதம் நம்பிட அழைத்தாரன்றோ
பாவத்தின் ஆழியில் அமிழ்ந்த என்னை
பரிவாக தூக்கி அணைத்தாரன்றோ
தினம் என்னை தேடி அலைந்தாரன்றோ
திருப்பாதம் நம்பிட அழைத்தாரன்றோ
கண்ணீர் துடைத்தென்னை தேற்றினாரே
கல்லான மனதையும் மாற்றினாரே
கனிவாக சேர்த்தென்னை ரட்சித்தாரே
கலைந்த என் வாழ்வினில் ஒளியானாரே
தினம் என்னை தேடி அலைந்தாரன்றோ
திருப்பாதம் நம்பிட அழைத்தாரன்றோ
முள்முடி சூட்டியே சிலுவையிலே
முள்ளாணி குத்திட தொங்கினாரே
வேதனை நடுவிலும் மன்னித்தாரே
அது முடியுமா எவராலும் இப் பாரிலே
தினம் என்னை தேடி அலைந்தாரன்றோ
திருப்பாதம் நம்பிட அழைத்தாரன்றோ
அடைக்கலம் அவரே எனக்கென் நாளுமே
ஆபத்திலே அவர் அனுகூலமே
ஆகாதவன் என்று தள்ளாமலே
ஆவலாய் உன்னையும் அழைக்கின்றாரே
எனக்கொரு வழிகாட்டி காத்தவரே
உனக்கொரு பாதையை வகுப்பாரன்றோ
உன் பாவம் மிகுந்தாலும் தயங்காமலே
உன்னை தம் அன்பினால் ஆட்கொள்வாரே
தினம் என்னை தேடி அலைந்தாரன்றோ
திருப்பாதம் நம்பிட அழைத்தாரன்றோ
